VV thotë se ishin mbi pesëmijë pjesëmarrës në test-protestën e sotme

VV thotë se ishin mbi pesëmijë pjesëmarrës në test-protestën e sotme

Lëvizja Vetëvendosje ka publikuar sot disa fotografi të test-protestës që është zhvilluar sot para ndërtesës së Qeverisë së Kosovës.

Sipas këtij subjekti politik, në këtë protestë ishin mbi pesëmijë pjesëmarrës.

“Asnjë zhvillim politik nuk mund të jetë i shëndetshëm nëse shmang mundësinë e protestës qytetare.

Në vendin tonë, edhe pse shumë ish-pushtetarë nga e kaluara do ta dëshironin mungesën e saj, prova e sotshme na dha edhe përvojën edhe dijen se mund të organizohemi në numër edhe më të madh nëse është nevoja, gjithmonë duke respektuar masat e Institucioneve të Shëndetësisë”.

“Nuk na mungon vullneti për ta mbrojtur rendin demokratik.

Nuk na mungon vendosmëria për të refuzuar nënshtrimin ndaj regjimit të vjetër.

Janë këto provat e fundit për llojin e rendit dhe shoqërisë që e aspirojmë.

Duam zgjedhje sa më parë”.

Më poshtë mund ta lexoni shkrimin e plotë të VV-së:

Sot mbi 5 mijë pjesëmarrës, një pjesë e vogël e qytetarëve që mbështesin ndryshimin, treguan se protesta është e mundshme të organizohet edhe në këtë kohë, duke respektuar masat e rekomanduara nga Institucionet e Shëndetësisë dhe në bashkëpunim me Policinë e Kosovës.

Pjesëmarrja masive, e organizuar në formën e një performance, dëshmoi edhe njëherë se vullneti i shumicës së qytetarëve është që kriza politike të zgjidhet pa e shkelur kushtetutën, dhe e vetmja mënyrë për këtë është që të organizohen zgjedhjet sa më parë.

Asnjë zhvillim politik nuk mund të jetë i shëndetshëm nëse shmang mundësinë e protestës qytetare.

Në vendin tonë, edhe pse shumë ish-pushtetarë nga e kaluara do ta dëshironin mungesën e saj, prova e sotshme na dha edhe përvojën edhe dijen se mund të organizohemi në numër edhe më të madh nëse është nevoja, gjithmonë duke respektuar masat e Institucioneve të Shëndetësisë.

Nuk na mungon vullneti për ta mbrojtur rendin demokratik.

Nuk na mungon vendosmëria për të refuzuar nënshtrimin ndaj regjimit të vjetër.

Janë këto provat e fundit për llojin e rendit dhe shoqërisë që e aspirojmë.

Duam zgjedhje sa më parë!

Sot mbi 5 mijë pjesëmarrës, një pjesë e vogël e qytetarëve që mbështesin ndryshimin, treguan se protesta është e…

Gepostet von Lëvizja VETËVENDOSJE! am Donnerstag, 28. Mai 2020