Sondazhet e fundit: Joe Biden, President i ardhshëm i SHBA

Sondazhet e fundit: Joe Biden, President i ardhshëm i SHBA

Sipas rezultateve të sondazhit të kësaj jave në Fox News, ish-nënkryetari i SHBA, Joe Biden gëzon besimin e 48% të atyre që do të votojnë në zgjedhjet presidenciale të nëntorit, ndërsa presidenti aktual, Donald Trump mbështetet nga 40% e të anketuarve.

Në të njëjtën kohë, sipas rezultateve mesatare të të gjitha sondazhet, të cilat të paktën pjesërisht mbulojnë këtë javë, demokrati Biden, nëse zgjedhjet do të mbaheshin tani, do të merrte 48% të votave, ndërsa republikani Trump do të merrte 41%.

Disa do të thoshin se para zgjedhjeve të fundit presidenciale, kandidatja e atëhershme demokratike Hillary Clinton kishte epërsinë dhe se në fund ajo humbi, por këtë javë avantazhi i Biden ndaj Trump tejkaloi qartë atë të Clinton në të njëjtën kohë katër vjet më parë, transmeton CNN.

Është interesante që Trump tani gëzon pothuajse të njëjtën përqindje të mbështetjes si në fund të majit 2016, pra vetëm rreth 0.4% më pak se në të njëjtën periudhë katër vjet më parë.

Pyetja që lind është nëse Biden mund të ruajë avantazhin, por është e qartë se fushata e tij zgjedhore, të cilën e drejton nga një studio televizive në bodrumin e shtëpisë së tij, po jep rezultate, përfundon CNN.