Situata me depresionin, reagon për herë të parë Josip Ilicic

Situata me depresionin, reagon për herë të parë Josip Ilicic

Pas njëzet ditësh mungesë dhe heshtje, Josip Ilicic ka reaguar për herë të parë në rrjetet sociale.

Sulmuesi i Atalanta me një postim në Instagram falënderoi shokët e tij të skuadrës, të cilët dje i kushtuan një tribut të veçantë atij në një moment delikat dhe të vështirë: një fanellë me numrin 72 në foton e grupit, pas ndeshjes kundër Interit, transmeton lajmi.net.

“E shkëlqyeshme”, ishte komenti i sllovenit, prania e të cilit në Lisbonë në Ligën e Kampionëve mbetet në dyshim të fortë – aty ku klubi i tij takohet me PSG-në në raundin e tetë më të mirave.

Ilicic ra në depresion të thellë pas situatës së tmerrshme që pa në Bergamo për shkak të COVID-19, dhe tash e njëzet ditë ai nuk është me skuadrën e Gasperinit dhe ka shkuar në vendlindjen e tij për t’u rehabilituar.