Kumani e do për të bindur Mesin, duel në Mançester për yllin e Interit

Kumani e do për të bindur Mesin, duel në Mançester për yllin e Interit

Ju lutemi na ndihmoni qe te mirmbajme faqen vetem duke shtyypur mbi (Foton ose Videon) qe shfaqet me poshte . Faleminderit per mirkuptimin ↓↓

Kumani e do për të bindur Mesin, duel në Mançester për yllin e Interit.Një mbrojtës krahu, një qendrë dhe një pykë. Janë këto kërkesat e Ronald Kumanit për sezonin e ri. Trajneri i Barcelonës mësohet të ketë përmendur edhe emra të mirëfilltë dhe kryesori është ai i Lautaro Martinezit. Sulmuesi i Interit përmendet prej kohësh për një transferim në Katalunjë ku duhet të ndjekë gjurmët e Luis Suarezit.

Përveç se për të përforcuar skuadrën, Kumani e do Lautaron edhe për të bindur Leo Mesin që të qëndrojë në ekip. Bomberi zikaltër është prej kohësh në preferencat e “Pleshtit” i cili e sheh si parnter ideal në sulm që kur të dy kanë provuar të luajnë me fanellën e Argjentinës.Te Barcelona duken gjithmonë e më të bindur për këtë operacion merkatoje i cili do të prekë vlerën e 100 milionë eurove në total. Drejtuesit katalanas mendojnë të ofrojnë 65 milionë euro “në dorë” dhe 41 milionë euro të tjera nëpërmjet kartonit te Zhunior Firpos. Sipas gazetës spanjolle “Sport” edhe Lautaro është i bindur për Barcelonën, aq sa nuk do të pranonte largimin nga Interit për asnjë ekip tjetër përveç atij ku luan Mesi dhe drejton Ronald Kumani.

INTERES BRITANIK – Sikur të mos mjaftonin sirenat katalanase, në gjurmët e Lautaros janë vendosur edhe dy klubet e Mançesterit. Pep Guardiola e sheh si pasardhësin më të denjë të Kun Agueros, teksa për Soskjaerin do të ishte pyka e cila i mungoi shumë në sezonin e fundit kur “Djajtë” ishin pranë një suksesi në Ligën e Europës, por u eliminun nga Sevija.

Paratë nuk mungojnë në qytetin anglez, ndaj për një ofertë për 90-100 milionë euro, Interi mund të pranojë të heqë dorë nga shërbimet e sulmuesit argjentinas.