I shoqi i dedikon Angela Martinit fjalët që shkojnë drejt e në zemër: Ti qave në krahët e mi…

I shoqi i dedikon Angela Martinit fjalët që shkojnë drejt e në zemër: Ti qave në krahët e mi…

Ditën e djeshme modelja bukuroshe shqiptare Angela Martini festoi ditëlindjen.

Ajo mbushi 34-vjeç dhe në ditën e saj të veçantë nuk munguan urimet dhe dhuratat e shumta.

Partneri i saj, biznesmeni rumun Dragos Savulescu i bëri padyshim dhuratën më të bukur. Ai i dhuroi një buqetë të madhe me trëndafila, si dhe një tortë me çokollatë.

Romanticiteti nuk mbaron me kaq! Dragos e ka uruar Angelën për ditëlindje me fjalët më të ndjera.

Këto fjalë me siguri do iu ndryshojnë mendjen dhe atyre që nuk besojnë te dashuria e vërtetë.

Vitin që lamë pas Dragos kishte shumë probleme me drejtësinë.

Ai tregon se Angela nuk hoqi kurrë dorë nga ai, por e ndihmoi të ngrihej, si “gangsterja, luftëtarja dhe ushtarja e tij e patrembur”.

“Gëzuar ditëlindjen mbretëreshës ilire shqiptare, e cila quhet:

Gruaja ime!

Në vitin e fundit pashë një ndershmëri dhe forcë tek ty që nuk e kam parë në 1000 burra bashkë. Pashë besën e vërtetë.

Ti më provove mua dhe të gjithëve që dashuria jote është e jashtëzakonshme dhe besnikëria jote është e pafund.

Ti më ndihmove mua të luftoj dhe fitoj kundrejt një sistemi të tërë të padrejtë.

Kur të gjithë donin të më shihnin poshtë, ti më ngrite lart dhe nuk më lejove që të rrëzohesha kurrë.

Unë vetë jam një lëvizje, por kur bëhemi bashkë krijojmë një forcë.

Ti je gangsterja ime e patrembur, ushtarja dhe luftëtarja ime.

Unë e dashuroj mënyrën se si mendja jote ëndërrimtare dhe magjike punon dhe jep jetë.

E dashuroj se si mëngjesin e sotëm qave në krahët e mi sepse ti akoma nuk e kishe gjetur Gralin e Shenjtë.

Kush mendon kështu? Vetëm ti.

Të dua me gjithë zemrën time dhe jam i lumtur dhe mirënjohës që të quaj ty gruan time”, ka shkruar biznesmeni.