Hoti tregon planin e tij se si do ta zhvillojë ekonominë e Kosovës si kryeministër në ardhje

Hoti tregon planin e tij se si do ta zhvillojë ekonominë e Kosovës si kryeministër në ardhje

Kandidati për kryeministër për Qeverinë e re nga Lidhja Demokratike e Kosovës, Avdullah Hoti, ka treguar planin e tij se si do të zhvilloj ekonominë e Kosovës në të ardhmen.

Sipas tij mbi 1 miliard euro do të mobilizohen për zbatimin e Pakos për Rimëkëmbje Ekonomike të Qeverisë së re.

“Një pjesë e konsiderueshme e këtyre mjeteve do të futen në ekonomi sivjet, për të mbështetur bizneset që të qëndrojnë në treg dhe të mbajnë punëtorët në punë.

Ndërkaq, në vitet në vijim do të mbështeten investimet private dhe publike që krijojnë vende pune në prodhim, bujqësi, teknologji dhe sektorë me vlerë të shtuar”, tha ai.

Sipas hotit në këtë pako do të përfshihen odat ekonomike, bankat, shoqatat e profesionistëve, institucionet akademike, komunat, investitorë nga diaspora jonë dhe partnerët ndërkombëtar që mbështesin zhvillimin e Kosovës.

“Legjislacioni i nevojshëm për zbatimin e kësaj pakoje do të procedohet në Kuvend menjëherë pas formimit të Qeverisë së Re.

Kjo pako është pjesë e Programit të Qeverisë së Re, që është duke u harmonizuar me të gjithë partnerët e koalicionit qeverisës”./IndeksOnline/