Ahmetaj në arrati, BKH zbarkon te banesat e grave të ish-zv.Kryeministrit. Në filtër edhe biznesmenë

Në kuadër të hetimeve për dosjen “Ahmetaj” prokurorë të Prokurorisë së Posaccme SPAK po vijojnë kontrollet, në banesat e personave të dyshuar në këtë aferë.

Mësohet se kontrollet po ushtrohen në banesën e bashkëjetueses së Ahmetajt, Erjola Hoxha, e cila është dhe banesë e tij, përderisa jeton aty.

Agjentë të BKH-së kanë “zbarkuar” gjithashtu edhe në banesën e babait të partneres së Arben Ahmetajt, Erjola Hoxha, në Lalëz.

Pak kohë më parë do të vihej nën sekuestro vila e ish-bashkëshortes së tij në zonën turistike, Palasë dhe në Hamallaj, kjo e fundit në pronësi të bashkëjetueses së tij.

Po ashtu, mësohet se kontrolle po ushtrohen edhe në banesat e disa biznesmenëve të dyshuar si të përfshirë në afera korruptive me Arben Ahmetajn.

Kontrollet po bëhën nga Byroja Kombëtare e Hetimit, ndërsa pritet që të këtë të martë të ketë deklaratë zyrtare nga SPAK në lidhje me hetimet e deritanishme të ccështjes së incineratorëvem, ku do të sqarojnë si akuzat ashtu edhe personat e përfshirë në këto hetime.

Kontrollet e mëparshme

Më 9 mars, Byroja Kombëtare e Hetimit ka kryer kontrolle në shtëpinë e ish- gruas dhe partneres aktuale të Ahmetajt.

Kontrolli i parë është ushtruar në një vilë në zonën e Hamallajt, në vilën e partneres së tij, ku janë sekuestruar 30 mijë euro dhe një sërë dokumentesh që lidhen me këtë vilë.

Ndërkohë në shtëpinë e ish-bashkëshortes, rezultoi se nuk janë gjetur para, por se janë marrë disa dokumente që vlerësohen të rëndësishme për hetimet.