Connect with us

Greqi/ Shkatërrohet rrjeti i prostitucionit, kapo ishte 35-vjeçari shqiptar

Lajmi Fundit

Greqi/ Shkatërrohet rrjeti i prostitucionit, kapo ishte 35-vjeçari shqiptar

Autoritetet greke kanë arritur të shkatërrojnë një tjetër rrjet prostitucioni ku një prej kokave të bandës është edhe një shtetas shqiptar.

Sipas mediave greke rrjeti i prostitucionit drejtohej nga një shqiptar dhe një grua 40-vjeçare nga Uzbekistani, e cila është arrestuar.

35-vjeçari shqiptar së bashku me 40-vjeçaren u ofronin punë “të arta” vajzave në Greqi të cilat në mënyrë ilegale futeshin në vend me shpresën për një punë të mirë që e cila nuk ndodhi kurrë.

Vajzat pasi arrinin në vend mbaheshin në kushte çnjerëzore dhe i prostituonin. Rrjeti i trafikut u kap pas tentativës së një gruaje për t’u arratisur nga banda.

Departamenti i Policisë Kundër Trafikimit të Qenieve Njerëzore ka ushtruar kontroll në dy banesa të organizatës, në rrugën Neophytou Metaxa, ku edhe u gjetën dhe sekuestruan 2600 euro, një celular, një pasaportë si dhe dëftesa bankare, transferta për në Uzbekistan dhe nga Uzbekistani.

Ndaj 40-vjeçares dhe bashkëpunëtorëve të saj u ngrit një dosje për Organizatë Kriminale, Trafikimin e Qenieve Njerëzore dhe Shkeljen e Kodit të Emigracionit dhe Integrimit Social.

Continue Reading
You may also like...

More in Lajmi Fundit

To Top